فى يوم كنت نازله انا وابن عمى رايحين نزور حد قربنا .......وبعدين
لقينا شوية شباب برمات-جمع برم قاعدين على كبوت العربيه بتاعتنا احنا مستعجلين
فقررنا تجاهلهم وفتحنا باب العربيه،فى العاده اللى قاعد على العربيه بيتكسف ويقوم من عليها ،دولا ولا الهوا،محدش
اتحرك!طبعا الدم غلى فى عروقنا وخاصة انا وكنت هديها وصلة ردح،بس افتكرت القانون (انا وحشه)طبعا انا بحترم
القانون ده بالذات لان انا اللى مطلعاه دونا عن اخواته التانين.
فرحت على التخين اللى فيهم_حاخاف يعنى_وقلت له ببرود شديد:
ارجو ان كبوت عربيتى مايكونش كرمش بنطلون سعادتك!
وبدات البلاهه تخر من عنيه وبدا يبصلى ولبنطلونه
بينما باقى صحابه يضحكون وسحبوه من على كبوت العربيه بدون خناق
تحذير هام:
استخدام هذه الطريقه مسئوليه المستخدم،وازا استعملتها غلط مع سواق ميكروباص
وفهم انك بتتريق عليه وبطحك كوريك انا مو مسئوله
الادب حلو اه ،الهزار بيخلى الجو ودى ويقلل فرص الخناق
اللهم قد بلغت اللهم فاشهد
موضوع: موقف ،قانون انا وحشه!!! 
الاقسام الرئيسية
القرأن الكريم 
