الرئيسيةالبوابةبحـثس .و .جالتسجيلمركز رفع الصوردخول

شاطر | 
 

 للبنات فقط ... 10 نصائح للبنات قبل الخروج مع خطيبك لاول مره

اذهب الى الأسفل 
كاتب الموضوعرسالة
الالفى
prince of love
prince of love
avatar

http://sootel7ob.yoo7.com/
رقم العضوية : 1
تاريخ التسجيل : 08/09/2010
عدد المشاركات : 2136



الجنس : ذكر
sms : بحبك كلمها بقالها سنين عايشه جوايا


mms 2

مُساهمةموضوع: للبنات فقط ... 10 نصائح للبنات قبل الخروج مع خطيبك لاول مره   الأحد فبراير 20, 2011 11:46 pm



مرحبـــــــــــــــــــاااا

لما
باذن الله ربنا يفك عقدتك.. وتتخطبى.. فإليك نصائحي حتى تأخذي بخطيبك من
مركب الخطوبة إلِّي محدش عارف هاترسى على إيه..... إلى مثوااااه الأخير في
قفص النسانيس.. قصدي قفص الزوجية السعيد..


أجمل
ما في الخطوبة العزومات الرومانسية.. على أحلى محلات أكل في البلد.. واللي
عمرك مانتي شايفاها بعد الجواز.. المهم نصائحي لك عند أي عزومة مع
ختيبك.....

قلنا رقَّه ....



1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .



2-
العيش أوعي تفضحينا وتقطعيه بسنانك..... ولا الرغيف نصين بأيدك وكل نص
لقمة وتحشري.. أوعي.. العيش بيتقطع بالسكينة في الطبق.. وبعدين تاخدي
لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا

وبعدين لما تروَّحي.. إبقي حِفِّي زي مانتِ عايزه....



3-
الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب
من غير صوت خالص.. ومن غير ماتقعدي تنفخي فيها.. زي القهوجي اللي بينفخ في
الحجر لل**ون.. وطبعًاااااا عايزك تنسى تمامًا.. السلطانية اللي بتقيميها
على بقك في البيت.. وتدلدقي على روحك..

بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة......



4-
الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق
الرز وتعبي.. إوعي.. الرز بالشوكة.. وكأنك بتبوسيه مش بتاكليه...



5-
المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص
وبعدين تحطيها ف بؤك من سكات.. مش تشفطي المكرونة عود عود..




6- السمك.. مشكلة.. شوفي...
بتفصلي
اللحم عن الشوك.... إزاي..؟؟ تقطعي اللحم من النص.... بالطول وبعدين تفردي
اللحم ع الجانبين ولما تخلصي ناحية.. متقلبيش السمكة.... بلاش فلح... شيلي
السلسله بالشوكة والسكينة , وحطيها ف جنب الطبق وكملي أكل النص التاني...
وبدل الفيلم الهندي ده.. نصيحة.. ماتكليش السمك خالص.. قولي مابحبش السمك
وخلصي نفسك...





7- الجمبري.. -إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟

وتروحي قاطعة راس الجمبريياية.. بالشوكة.. أنا ف عرضك
إنسي المصمصة دلوقت..




8-
البطاطس سواء مسلوقة أو محمرة... أوعي تهرسيها وتدبيها ع الرز وتبدي
....لا..لآ...لآ...بالشوكة حتة حتة وإنت زي ما تكوني هاتعيطي من كتر ما
البطاطس صعبانة عليكي....




9-
الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي
مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام
التفتفة للبذر.. إنسي....





10-
ولما تخلصي أكل تحطي إيدك على بطنك.. -اللي عصافيرها بتصوصو من العينات
اللي كلتيها-.. وتقولي له مش ممكن.. أنا عمري ما اتفجعت كدة..



أنا أودامي أسبوع.. هابطل أكل فيه.....


وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..
لفة الفول والطعمية اللي جايباها معاكي.. وبالهنا والشفااااااااااااا


والحين دور الردود



عدل سابقا من قبل الالفى في الثلاثاء فبراير 22, 2011 12:46 am عدل 1 مرات
الرجوع الى أعلى الصفحة اذهب الى الأسفل
http://sootel7ob.yoo7.com
MEDO-ELMAgic
 
 
avatar

http://sootel7ob.yoo7.com/
رقم العضوية : 3
تاريخ التسجيل : 08/09/2010
عدد المشاركات : 528





الجنس : ذكر
sms : يا بلادى يا احلى البلاد يا بلادى

مُساهمةموضوع: رد: للبنات فقط ... 10 نصائح للبنات قبل الخروج مع خطيبك لاول مره   الإثنين فبراير 21, 2011 9:57 pm

هاهاهاهاهاها
توبيك ملوش حل
ههههههههههههههه




الرجوع الى أعلى الصفحة اذهب الى الأسفل
 
للبنات فقط ... 10 نصائح للبنات قبل الخروج مع خطيبك لاول مره
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صوت الحب :: المنتديات الشبابية :: منتدى شباب × بنات-
انتقل الى:  


هذه الرسالة تفيد أنك غير مسجل .

و يسعدنا كثيرا انضمامك لنا ...

للتسجيل اضغط هـنـا

مركز رفع صور صوت الحب


المواضيع الأكثر شعبية
جدول مباريات كأس الامم الافريقية 2012 كامل
احلى جمل رومانسية
بالصور : المرأة صاحبة أجمل جسم في العالم
كلمات و عبارات فرنسية مهمة و ترجمتها بالعربي كتابتاً ولفضاً
تحميل اغنية عبد الباسط حمودة وهدى ما تسال ياعم عليا
بعض القواعد الاساسية فى اللغة الفرنسية
عد من واحد لغاية 4 اختار عضو يرقص معاك
تحميل اغنية طارق الشيخ الجديدة - ميه ميه ( انا بحبك يا ابن بلدى ) من فيلم شارع الهرم الجديد
احلى اسماء اعضاء المنتدى
تحميل مهرجان الوساده الخاليه اوكا واورتيجا